Përdorimi i armëve tek qytetarët e vendeve të ndryshme është bërë sfidë e madhe për qeveritë e vendeve të ndryshme, e sfidë e madhe mbetet në Shtetet e Bashkuara të Amerikës.

Një pjesë e qytetarëve atje e mbështesin idenë e mbajtjes së armëve ndërsa një pjesë tjetër e kundërshtojnë idenë. Ka shkuar aq larg sa që ka qenë temë debati gjatë fushatave për president të vendit.

E në listën e qytetarëve që përdorin më së shumti armë, gjendet edhe Kosova. Sipas matjeve, Kosova gjendet në vendin e 17 në botë, ku 26.6% e qytetarëve mbajnë të paktën një armë në shtëpitë e tyre.

E nga rajoni, Mali i Zi dhe Serbia zënë vendin e parë. Në të dyja këto vende, 39.1% e qytetarëve mbajnë armë në shtëpitë e tyre. Më pas nga rajoni vjen Bosnja e Hercegovina dhe Maqedonia Veriore.